Dende
principios de xaneiro o noso grupo denunciou a "poda"- tal e como o
denominou o Concelleiro de Obras- das árbores da estrada
Mugardos - Castelo da Palma, incluíndo as denuncias ante o SEPRONA e a
Xunta de Galicia (titular da Estrada)
Insistimos en ver o
expediente da licencia de tala e o aval do maderista. A día de hoxe temos
a convición de que non existe nin autorización por parte
do Concello nin aval depositado, xa que nunca se nos aportou ningún documento.
Insistimos
en denunciar o destrozo causado no Lavadoiro Vello da Redonda
(descoñecido para moitas persoas), sito na intersección do vial
Redonda-Montefaro, na estrada e nas gabias con toda a ramalla
tirada. Insistimos en que o lavadoiro, o cauce de canteira e a
Fonte (que non esta destrozada) se incluísen no inventario municipal, porque non está.
Hoxe, por fin contestou o goberno municipal
do BNG ás nosas demandas: denunciaron a actuación do maderista ante o SEPRONA e
Patrimonio, amósanse favorables á súa inclusión no Inventario
Municipal, a solicitar a catalogación por Patrimonio e a empresa
maderista inicia os traballos de limpeza das gabias e reposición do
lavadoiro e o canal.
EU estará atenta a que se repoña o
lavadoiro no seu estado inicial, se abra o cauce, se limpe a
canalización que cruza a estrada e se limpen as cunetas e o vial; iso como mínimo, sen esquecer a inclusión no inventario, a súa catalogación
e as responsabilidades da "poda" das árbores.
1 comentario:
En principio non se me ocorre outra cousa que felicitarvos e agradecer unha vez máis o voso traballo porque estou convencido de que non ser por iso as cousas no Concello de Mugardos hubesen sido aínda peor, que co mal que van é moito dicir . Creo que é sumamente importante que ademais de facer as denuncias formais ante os organismos correspondentes como neste caso , goberno municipal, SEPRONA, etc. , é importante tamén o feito da información e a denuncia pública que facedes principalmente a través das redes sociais e tamén doutros medios de comunicación , porque é o mellor xeito de poder informar a cidadanía con claridade e axilidade.
O que estades a facer a nivel municipal , ademais de ser recoñecido polos veciños e veciñas do noso municipio. debera de servir de exemplo para outros . Sín anímo de molestar ní desprezar a ninguén, eu a si enténdoo.
Publicar un comentario