Esquerda Unida Mugardos: mocións

Mostrando entradas con la etiqueta mocións. Mostrar todas las entradas

4 abr 2016

Moción Cámara Agraria.

O Concello Pleno aproba entregar as chaves da Cámara Agraría á Xunta de Galicia.

A Xunta de Galicia négase a facer unha nova cesión ou a acordar un prezo de venda que teña en conta a valoración realizada polo Concello.

86.895,91€ quere a Xunta e o Concello ten unha valoración de 38.895,62€. Dende o ano 2011 xa non hai acordo de cesión e dende o 2013 todas as negociacións para unha nova cesión fracasaron pola innegociable postura da Xunta de vendela ó Concello ou sacala a subasta.

O Concello en todos estos anos leva investidos máis de 100.000€ na súa rehabilitación e conservación.

A moción presentada por EU-Os Verdes-SON contou co apoio de ICM,BNG e PSOE votando en contra o PP.

1 may 2013

Mocións sobre o "Santiago Apóstolo" e o "Unión Mugardesa"

No Pleno do 26 de Abril foron aprobadas (con modificacións) dúas mocións de Esquerda Unida: unha sobre a ampliación do colexio "Unión Mugardesa"; a outra, referente á antiga vivenda do bedel do "Santiago Apóstolo" de Franza.

E como as visitas dos nosos deputados e deputadas de AGE non son en vano, aquí o enlace ás súas iniciativas parlamentares (Grazas!):
-Santiago Apóstolo
-Unión Mugardesa

21 mar 2013

A Xunta pecha do Consultorio de O Seixo

Hai poucos días, a deputada de A.G.E e coordenadora nacional de EU, Yolanda Díaz, visitaba as estradas de Mugardos e o Consultorio de O Seixo.

Os grupos municipais de EU e PSOE opóñense ao peche do Consultorio de O Seixo, executado pola Xunta co coñecemento e complicidade do Concello de Mugardos. Tras a recollida de máis de duascentas firmas contrarias a esta decisión, os dous grupos presentaron unha moción para que se incorpore no Pleno de Marzo. Ademáis, esta cuestión será levada ao Parlamento de Galicia polos grupos dos dous partidos.

31 oct 2011

Moción de EU no Pleno de Outubro sobre subvencións

No Pleno do venres 28 de Outubro EU presentou outra moción para instar ao goberno a que non acepte nin valore facturas das entidades onde se contemplen celebracións propias das entidades nin eventos gastronómicos tales como "churrascadas", "queimadas", "laconadas", etc.

Moción de EU no Pleno de Outubro sobre a EDAR

No Pleno do venres 28 de Outubro, EU presentou unha moción para que o Concello encargue un estudo de viabilidade sobre a ubicación do tanque de tormentas no Parque da Constitución, levando a tubería por mar. Non foi apoiada por ningún outro grupo.
Despóis de que a Xunta propuxese unha nova localización, concretamente, na rotonda, cremos que sería bó que o Concello contase cun estudo propio para coñecer a viabilidade da localización orixinal, pero sen levantar o peirao. Non sendo así, dependeremos exclusivamente do que digan os técnicos da Xunta.
Dende o 2007, o Concello non fixo ningún estudo nin do impacto do trazado nin do tanque de tormentas. Se se tivesen feito, tal vez nin o do Campo do Río nin o do esteiro estarían hoxe onde están.
Por outra banda, ó abrir a zona da rotonda, que haberá que facelo en todo caso, sería bo darlle saída ás augas pluviais para que non conflúan no alcantarillado.

13 may 2010

O goberno oculta información

Novas iniciativas dos grupos municipais sobre a urbanización de O Baño.

10 may 2010

Reganosa comprometida con Mugardos?

Dende o GM de EU-IU solicitamos a Reganosa un maior compromiso coas
entidades culturais, asociacións e clubes de Mugardos, dada a súa
ubicación neste concello. Entendendo a independencia de que gozan as empresas privadas para
elexir a qué equipos ou clubes patrocinan, cremos imprescindible que unha
empresa do calado de Reganosa, ubicada en Mugardos, teña unha maior
implicación cos clubes e entidades da nosa localidade.
Como ben é sabido, o movemento asociativo pasa por dificultades, hoxe en
día moito maiores das que xa soportan habitualmente.Respectando o
patrocinio que Reganosa lle fai ó Racing de Ferrol, demandamos unha
política de patrocinio máis activa para cós clubes, asociación e entidades
ubicadas en Mugardos; unha política que fuxa das axudas a conta gotas previa petición para
actividades concretas e que se reconvirta nunha política de apoio real e
efectivo para a mellora da calidade dos nosos clubes, asociacións e
entidades. Polo tanto, dentro do compromiso que lle solicitamos a Reganosa para coas
entidades de Mugardos, cremos que unha boa iniciativa sería que a
empresa asinara un convenio co concello para patrocinar o deporte
e as actividades culturais en Mugardos que son impulsadas polas
nosas sociedades; e polo tanto, a reversión da aportación de Reganosa no
propio movemento asociativo baixo parámetros de interés da actividade.
O GM de EU-IU presentará esta proposta na comisión informativa de Cultura
e Deportes do concello de Mugardos para ver o apoio có que contaría dos
diferentes grupos municipais.
Mugardos, 11 de maio de 2010
Portavoz do GM de EU-IU
Asdo. Pilar Díaz Otero