Evento: Radiografía da Sanidade Galega

A Xunta pecha do Consultorio de O Seixo

Hai poucos días, a deputada de A.G.E e coordenadora nacional de EU, Yolanda Díaz, visitaba as estradas de Mugardos e o Consultorio de O Seixo.



Os grupos municipais de EU e PSOE opóñense ao peche do Consultorio de O Seixo, executado pola Xunta co coñecemento e complicidade do Concello de Mugardos. Tras a recollida de máis de duascentas firmas contrarias a esta decisión, os dous grupos presentaron unha moción para que se incorpore no Pleno de Marzo. Ademáis, esta cuestión será levada ao Parlamento de Galicia polos grupos dos dous partidos.

Manifestación de SOS Sanidade Pública

A Plataforma SOS Sanidade Pública convoca unha manifestación en Santiago o domingo 3 de Xuño en defensa do noso sistema sanitario. Sairá un autobús de Mugardos (á porta do Concello) ás 10:00 da mañá para voltar ás 14:00. O prezo do billete é de 7 € (só para os adultos).
Podes apuntarte no despacho do noso grupo municipal ata o xoves pola mañá.
Acude. Loita polo que é teu.

Acto público sobre os recortes en Sanidade

Intervirá Mª Luísa Lores Aguín, radióloga e ex-directora asistencial do Complexo Hospitalario de Pontevedra. O mércores 23, ás 8 da tarde no Centro Cívico. 

Centro de Saúde

-EU:Cómo está o tema da cesión patrimonial do Centro de Saúde?

-Alcalde: Esta todo parado no Sergas

Este texto pertence á sesión da Comisión Informativa de Facenda celebrada o día 6 de outubro de 2011. A realidade é que o Alcalde non fixo os deberes. O orzamento para o ano 2011, no capítulo de gastos correspondentes ó Centro de Saúde, ascende a 33.813,65€. No capitulo de ingresos aparacen reflexados 4.619,40€ (SERGAS). Regalar ó SERGAS 29.194,25€ cada ano si que é unha boa xestión dos nosos cartos.

Póñanse as pilas e rematen os deberes que lles faltan por facer. Nós xa contribuimos recordando nas comisións que o tema non debe quedar durmido nun caixón. VER DOCUMENTO ANEXO.

AXUDA A DOMICILIO

PROPOSTA EU SERVIZO DE AXUDA A DOMICILIO

Esta proposta foi presentada no pleno do día 30 de setembro no debate sobre a ordenanza fiscal. O obxectivo da proposta é xerar recursos para disminuir o número de horas que se deben e mellorar a atención ás persoas que teñan a dependencia recoñecida, tendo no horizonte a meta de poder incorporar a persoas que, non tendo a dependencia recoñecida, corresponderíalles pola súa situación a prestación de axuda a domicilio básica ou a posible ampliación de servizos. Estas propostas comportan unha maior recadación sen gravar ás persoas que menos ingresos teñen, así como unha mellora do servizo.

Servizo de axuda no fogar (SAF)

O BNG propón modificar a actual tasa do SAF, con dous aspectos a destacar:

1.-Subir un 11% o custo da hora, pasando de 10,64 € a 12 €. Unha suba destas características reflíctese en cada unha das horas de servizo. Non é o mesmo unha suba dun 11% nun servizo con pago único cada certo tempo (p.e., o lixo) que nun servizo por horas. Ademais, o custo hora a repercutir aos usuarios non ven marcado en ningunha orde da Xunta. Polo tanto, o incremento do 11% non é obrigatorio.

2.- Hai tramos que se modifican máis aló do marcado pola Orde da Xunta, soportando dous incrementos: o de custo hora e o tanto por cento que aporta o usuario. Un exemplo: os que agora aportan o 7% e o 10% pasarían ao 12%. Segundo a Orde, poderían aportar só o 10%. Os que aportan o 30% ou 40%, pasarían ao 50%. Respectando os mínimos da Orde, poderían aportar só un 21%.

Nun dos tramos inferiores, no que agora o dependente aporta o 5%, pasaría ao 10%; sumándolle o incremento do 11% en cada hora, supón unha suba superior ao 100%: p.e., un dependente que pagase agora 26,6 € por 50 horas pasaría a pagar 60 €.

EU manifestou na Comisión que non votaremos a favor da proposta do BNG. Estamos dispostos a estudar unha modificación da Ordenanza que non grave ás familias con menos recursos e demandamos do goberno que reduza ou elimine gastos superfluos, para facer fronte á diminución da lista de espera coa incorporación de novas/os traballadoras/es á plantilla municipal.

Para ampliar información, podes acceder á Ordenanza actual, á Orde da Xunta que regula a axuda a domicilio, a proposta do BNG e a alternativa que plantexa EU.

A saúde non é un negocio.Non á privatización da sanidade

Manifestación, o domingo, ás 12h. con saída do ambulatorio de Ferrol

A saúde non é un negocio

Martes, 6 de abril, ás 7 no Salón de Plenos presentación da plataforma en defensa da sanidade pública.

O CONCELLO SIGUE A PAGAR

Un ano despois de aprobado o convenio para que a Consellería asumiría os custes de mantemento do centro de saúde