Barcia aproba os Presupostos coa abstención de PP e PSOE

Os Presupostos do 2011 foron aprobados no Pleno de 26 de Agosto coa abstención do PP e do PSOE, os votos a favor do BNG e os votos en contra de Esquerda Unida. Para nós, son uns presupostos continuistas. O aforro do 23% con respecto ós presupostos de 2010 (que según o alcalde xa eran de mínimos, o que se contradi con este suposto aforro) explícase pola non inclusión de certas partidas que antes si aparecían: Área de Rehabilitación Integral, POS, abastecemento de auga en alta e campo de fútbol de herba artificial. Aínda que valoramos positivamente a aportación de 50.000 € para a atención á dependencia, queremos matizar que o servizo será prestado por un empresa privada, o que pode abrir o camiño á privatización, e que, de feito, 10.000 deles xa foron pagados á empresa privada nos meses de Abril, Maio, Xuño e Xullo. Tamén valoramos o incremento na partida de emerxencia social e axudas á escolarización, que sube o 100%, pero este incremento supón pasar de 11.000 a 23.000 € (0,4% do presuposto total). Aquí aparece un resumo con información detallada. Calquera consulta ou dúbida atenderémola con gusto.